ព្រឹកថ្ងៃទី០៩ ខែមេសា ឆ្នាំ២០១៥ ក្រសួងប្រៃសណីយ៍ និងទូរគមនាគមន៍ បានរៀបចំពិធីសូត្រមន្តទទួលអំណរឆ្នាំថ្មីប្រពៃណីជាតិ ឆ្នាំមមែ សប្តស័ក ពុទ្ធសករាជ ២៥៥៩  នាទីស្តីការក្រសួង ដោយមានការអញ្ជើញចូលរួមជាអធិបតីពីសំណាក់ឯកឧត្តម ប្រាក់ សុខុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍។

បន្ទាប់ពីបញ្ចប់កិច្ចទាំងឡាយតាមប្រពៃណីព្រះពុទ្ធសាសនាដ៏ថ្លៃថ្លានៃយើង ឯកឧត្តមរដ្ឋមន្ត្រី ប្រាក់ សុខុន បានជួបសំណេះសំណាលជាមួយនឹងយាយជីតាជីចំនួន ១០ នាក់ និងនិវត្តន៍ជន នៃក្រសួងប្រៃសណីយ៍ និងទូរគមនាគមន៍ ចំនួន ៤១៤ នាក់ ដែលមានវត្តមានក្នុងពិធីសូត្រមន្តអំណរឆ្នាំថ្មីនេះ ក្នុងមនោសញ្ចេតនាគោរពស្រឡាញ់ និងរាប់អានយ៉ាងជ្រាលជ្រៅ ព្រមទាំងចែកជូននូវសម្ភារៈប្រើប្រាស់មួយចំនួន និងថវិកាក្នុងម្នាក់ៗ ១០ ម៉ឺនរៀល៕

[ptc-legacy-gallery images=”https://asset.cambodia.gov.kh/mptc/files/2015/04/181/Inside-4.gif,https://asset.cambodia.gov.kh/mptc/files/2015/04/181/Inside-1.gif,https://asset.cambodia.gov.kh/mptc/files/2015/04/181/Inside-2.gif,https://asset.cambodia.gov.kh/mptc/files/2015/04/181/Inside-3.gif,https://asset.cambodia.gov.kh/mptc/files/2015/04/181/Slide-1.gif”]